Версия для слабовидящих
Пятница, 22 Июль 2022
Илдә “кентавр” вирусы теркәлде
Республика клиник йоғошло ауырыуҙар дауаханаһының баш табибы, Башҡортостан Һаулыҡ һаҡлау министрлығының штаттан тыш эпидемиологы Азат Мөнир улы Мөхәмәтйәнов нимәләр хаҡында әйтте?
Республика клиник йоғошло ауырыуҙар дауаханаһының баш табибы, Башҡортостан Һаулыҡ һаҡлау министрлығының штаттан тыш эпидемиологы Азат Мөнир улы Мөхәмәтйәнов Башҡортостан юлдаш каналының “Сәләм” тапшырыуында ҡатнашты һәм бөгөнгө көнүҙәк мәсьәләләрҙең береһе булған коронавирус инфекцияһы, шул иҫәптән уның “кентавр” төрө һәм башҡалар хаҡында һөйләне.
“Рәсәйҙә “Кентавр” төрө менән сирләгән биш пациенттың барлығы асыҡланды. Башҡортостанда бындай осраҡтар теркәлмәгән әле”, - тине Азат Мөнир улы. Былтыр ноябрь-декабрь айҙарында вакцинация үткәрелеүе, быйыл февралдә күптәрҙең "омикрон" менән ауырыуы, һөҙөмтәлә иммунитет барлыҡҡа килеүе тураһында ла әйтте баш табип. “Иммунитет ҡаҡшай, вирус иһә “аҡыллыраҡ” була бара. Шуға бөгөндән үк вакцинация һәм ревакцинация тураһында уйлай башларға кәрәк”, - тип белдерҙе ул.
Азат Мөхәмәтйәнов “Спутник V” вакцинаһының һөҙөмтәлелеге һәм уның республикалағы медицина ойошмаларына килтерелеүе хаҡында әйтте. Шуға күрә бығаса прививка яһатҡандарға ла иммунитетты нығытыу өсөн уны ҡабаттан эшләтеү насар булмаҫ.
